Udhëheqësi i Republikës Sërpska, Millorad Dodik ka njoftuar se partia e tij dhe partitë e tjera në koalicion do të marrin pjesë në hapat përgatitorë për zgjedhjet e organizuara që do të mbahen më 6 tetor 2024 në Bosnje e Hercegovinë.
Ai ka bërë një krahasim me zgjedhjet në veri të Kosovës duke thënë se dëshiron të shmanget ajo që ndodhi atje.
“Ne duam të shmangim atë që ndodhi në veri të Kosovës kur 3 për qind votuan dhe shpallën fitoren”, tha Dodik.
On Wednesday the 🇧🇦 Central Electoral Commission (CEC) announced the local elections for 6 October 2024.
Milorad #Dodik comfirmed that his party (& coalition partners) will take part in the preparatory steps for the elections organised by the CEC.
“We want to avoid what… https://t.co/72FJfuMXMC pic.twitter.com/J7oR5c3S6C
— Adi Ćerimagić (@adicerimagic) May 11, 2024
Përfaqësuesi ndërkombëtar, Christian Schmidt, i angazhuar për mbikëqyrje të marrëveshjeve për paqe ka premtuar të imponojë ndryshime gjithëpërfshirëse në Ligjin Zgjedhor, duke përfshirë forcimin e Komisionit Qendror të Zgjedhjeve në nivel shtetëror.
Dodik ka thënë se Republika Sërpska do të refuzojë çdo imponim dhe se në vend të kësaj do të prezantojë ndryshime legjislative duke vënë komisionin zgjedhor të RS në krye të menaxhimit të procesit zgjedhor për të gjitha nivelet, përveç nivelit shtetëror.
Për më tepër, gjykimi i Dodik për moszbatimin e vendimeve të vitit të kaluar në Bosnjë e Hercegovinë është ende në vazhdim.
Nëse shpallet fajtor, Dodik mund të përballet me një dënim me burg dhe ndalim të vazhdojë si President i RS dhe të kandidojë për çdo zgjedhje të ardhshme.
Dodik – aleat i Kremlinit – është në listën e sanksioneve të Shteteve të Bashkuara, dhe shpesh ka nxitur tensionet etnike, si dhe ka kërcënuar me shkëputje të Republikës Sërpska prej Bosnje-Hercegovinës.