Donjeta Sadiku ka siguruar medaljen në Kampionatin Botëror për seniore i cili aktualisht po mbahet në Stamboll.
Kjo është medalja e parë serioze në historinë e boksit të pavarur kosovar në nivelin e të rriturve.
Kjo njëkohësisht është suksesi i parë i saj në nivelin senior të kampionatit.
Medalje në Kampionate Botërore e Kampionate Evropiane ishin fituar edhe nga boksierët në vitet e shtatëdhjeta dhe teëdhjeta të shekullit të kaluar, gjatë përfaqësimit të Jugosllavisë.
Donjeta në çerekfinale të kategorisë deri 60 kilogramë mposhti boksieren Shih-Yi Wu,nga Tajvani, me rezultat të thellë 5:0.
Kjo është fitorja e tretë e Donjetës në Botëror duke siguruar medaljen e bronztë botërore.
Në vitin 2019, ajo ishte shpallur Kampione e Ballkanit në garat e mbajtura në Antalya të Turqisë në peshën 60-64kg.
Ndërsa në vitin 2020, ajo fitoi medalje te artë në turneun Debrecen të Hungarisë në peshën 57-60kg.