Shefja e Shërbimit Intelegjent të Shqipërisë (SHISH), Vlora Hyseni është takuar me drejtoreshën e Inteligjencës Kombëtare të Shteteve të Bashkuara të Amerikës (SHBA), Avril Haines.
Takimi mes Hysenit dhe Haines është realizuar në Uashington në fund të muajit janar.
Në këtë takim sipas njoftimit të SHISH thuhet se është theksuar partneriteti i jashtëzakonshëm mes SHBA-ve dhe Shqipërisë, gjithashtu, thuhet se është diskutuar edhe për sfidat e përbashkëta të inteligjencës dhe sigurisë.
Gjatë kësaj vizite në SHBA, drejtoresha Hyseni ka realizuar disa takime të rëndësishme me zyrtarë të lartë në fushën e inteligjencës dhe sigurisë së SHBA-ve.