Drilon Hajrizi: Finalja e radhës, fryt i punës shumëvjeçare te KB Trepça

Për herë të pestë rresht, KB Trepça ka siguruar një vend në finalen e plejofit në Superliga e Kosovës në basketboll. Synimi i “xehetarëve” mbetet i pandryshuar – fitimi i titullit të tretë radhazi.

Njëri nga shtyllat kryesore të skuadrës, Drilon Hajrizi, vlerëson se suksesi i vazhdueshëm është rezultat i një pune të madhe dhe të qëndrueshme ndër vite në klub.

“Që nga fillimi, gjithë puna që kemi bërë ka pasur një qëllim të qartë – të arrijmë në finale. Nuk bëhet fjalë vetëm për këtë edicion, por për një punë shumë profesionale që po zhvillohet prej vitesh në klub. Falënderoj bashkëlojtarët për përkushtimin, trajnerët për punën e madhe dhe drejtuesit për kushtet që na mundësojnë të japim maksimumin”, është shprehur Hajrizi.

Kundërshtari i Trepçës në finale ende nuk është përcaktuar. Finalisti i dytë do të dalë nga përballja ndërmjet KB Bashkimi dhe KB Bora, që zhvillohet në Prizren. Megjithatë, forma aktuale e Trepçës e vendos skuadrën mitrovicase në rolin e favoritit.

Trepça e siguroi finalen pas fitores ndaj KB Peja në palestrën “Karagaçi”, duke e mbyllur serinë gjysmëfinale me rezultat 3:1. Tani, vëmendja e ekipit është e përqendruar plotësisht te finalja.

Në dy edicionet e fundit, Trepça ka triumfuar ndaj KB Golden Eagle Ylli dhe Bashkimit në finale, ndërsa më herët kishte mbetur pa titull përballë Yllit dhe Pejës. Stinorin e rregullt, mitrovicasit e përfunduan në vendin e parë, duke siguruar avantazh dhe nisje direkte nga gjysmëfinalja e plejofit.

Shija e redaktorit

Presidenti kroat pritet ta vizitojë Kosovën në fillim të dhjetorit

Presidenti i Kroacisë, Zoran Milanoviq, pritet ta vizitojë Kosovën në fillim të muajit dhjetor të këtij viti. Kështu ka mësuar Dukagjini nga burimet e veta...

Nufi: Shqipëria do ta mbrojë Kosovën, asnjë qeveri në Tiranë...

Ministri i Mbrojtjes i Shqipërisë, Ermal Nufi, ka deklaruar se angazhimi i Shqipërisë për mbrojtjen e Kosovës është i pakushtëzuar, duke theksuar se asnjë...

Përkujtohet ditëlindja e heroit të Kosovës, Zahir Pajaziti

Sot shënohet 64-vjetori i lindjes së komandantit të Ushtrisë Çlirimtare të Kosovës dhe heroit të Kosovës, Zahir Pajaziti. Ai u lind më 1 nëntor 1962...

Të fundit nga rubrika