Dy persona janë lënduar pas shpërthimit të një granate dore në afërsi të një hoteli në Mitrovicë të Veriut, në rrugën “Knjaz Millosh”, në mbrëmjen e së hënës së 15 janarit.
Zëvendësdrejtori i Policisë për Veri, Veton Elshani, ka konfirmuar lajmin për Dukagjinin dhe ka bërë të ditur se nga shpërthimi janë dëmtuar shtatë vetura, ndërsa janë lënduar dy persona, prej tyre njëri me lëndime më të rënda, por jashtë rrezikut për jetë.
Ai ka thënë se pas këtij rasti policia ka shkuar në vendin e ngjarjes.
“Rreth orës 23:50 dyshohet se ka shpërthyer një granate dore te hoteli Bisevac në rr. ‘Knjaz Millosh’ Mitrovicë Veri. Si pasojë e shpërthimit janë dëmtuar 7 vetura dhe dy persona janë lënduar, njeri ka lëndime më të rënda, por jashtë rrezikut për jetë. Njësitet policore relevante janë në vendin e ngjarjes dhe po merren me rastin”, ka thënë Elshani.