Tërmeti goditi në orën 1:19 të mëngjesit pranë epiqendrës së tërmetit me magnitudë 7.6 që goditi tre ditë më parë në shtetin perëndimor të Michoacan. Ky tërmet shkaktoi dy vdekje, shkruan ABCNews.
Shërbimi Gjeologjik i SHBA-së tha se tërmeti i së enjtes ishte me qendër 50 kilometra në jug-jugperëndim të Aguililla, Michoacan, në thellësi prej 24.1 kilometra.
Qeveria e shtetit të Michoacan tha se tërmeti u ndje në të gjithë shtetin. Ata raportuan dëme në një ndërtesë në qytetin Uruapan dhe disa rrëshqitje dheu në autostrada.
Ndërsa Presidenti Andrés Manuel López Obrador tha përmes Twitter se ishte një pasgoditje nga tërmeti i së hënës dhe u ndje gjithashtu në qytetet e Colima, Jalisco dhe Guerrero.
Kryebashkiaku i qytetit të Meksiko City, Claudia Sheinbaum, tha përmes Twitter-it se dy persona vdiqën – një grua ra nga shkallët e shtëpisë së saj dhe një burrë që pati një sulm në zemër. Banorët u grumbulluan në rrugë ndërsa alarmet e tërmetit u ndezën.
Tërmeti tronditi vendin tashmë të shqetësuar. Tërmeti më i fuqishëm i së hënës ishte tërmeti i tretë i madh që goditi më 19 shtator – në vitin 1985, 2017 dhe tani 2022. Tërmetet e 19 shtatorit 2017 dhe 2022 erdhën shumë shpejt pas stërvitjes vjetore të tërmeteve të kryera çdo 19 shtator për të përkujtuar shkatërrimin e tërmetit të vitit 1985 që vrau rreth 9500 njerëz.