Drejtori i shkollës “Zenel Hajdini”, Skender Ademi, ka folur për rastin tragjik ku nxënësi Zejn Zejnhullahu humbi jetën mbrëmë pasi ra në lumë në fshatin Gadime.
Sipas tij, nxënësi ishte duke u kthyer nga shkolla kur, ndryshe nga shoqja e tij, nuk pranoi të hipte në makinë me të dhe vazhdoi rrugën i vetëm.
“Si të gjithë, ai ka dalë nga klasa me të gjithë shokët e tij. Ajo që ka qenë më e keqja edhe më e dhimbshme është se nuk ka hipur në një makinë që sigurisht e kanë lutur të hip. Por ai me këmbëngulje ka thënë se nuk dua të vij, nuk ka pranuar assesi dhe ka vazhduar rrugën vetë. Ka zgjedhur një rrugë më të shkurtër, me rreziqe e me probleme dhe pasi është futur ka qenë i vetmuar dhe porsa ka hipur në një vijë mbi lumë aty sigurisht duke e shikuar ndoshta ka pasur edhe marramendje dhe ka rënë nga ura në lum”, tha drejtori.
Ademi theksoi se nuk ka dyshime për rrethana të tjera.
“Dyshime absolutisht nuk ka, kjo ka ndodhur aksidentalisht ëhstë hera e parë që në këtë fshat ndodhin këso raste, nuk ka pasur dashtë zoti që më të mos ndodhin më”, theksoi Ademi.