Një mjek dyshohet se është sulmuar në Qendrën e Mjekësisë Famijare “Rexhep Kuçi” në Suharekë.
Lajmin e ka dhënë drejtoresha e Drejtorisë për Shëndetësi dhe Mirëqenie Sociale, Besa Kuqi.
Kjo e fundit e ka dënuar sulmin ndaj stafit mjekësor, gjersa ka theksuar se dhuna ndaj mjekëve nuk duhet toleruar.
“Sapo u informova nga kordinatori i QKMF-së se dje është sulmuar njëri nga mjeket në Qendrën e Mjekësisë Famijare ‘Rexhep Kuçi’ në Suharekē. E dënoj ashpër sulmin ndaj stafit mjekësor, duke kërkuar njëkohësisht edhe sjelljen para drejtësisë të atij që e ka kryer këtë vepër të ultë”, ka shkrua Kuqi.
Tutje, si rrjedhojë e sulmeve të tilla, Kuqi e ka parë të nevojshme krijimin e një statusi të veçantë për personelin mjekësor.
“Dhuna ndaj mjekëve nuk duhet toleruar, për këtë arsye është e nevojshme që mjekët dhe punonjësit shëndetësorë të kenë status të veqantë, i cili do t’i sankisononte juridikisht këto incidente, me qëllim që raste te tilla të mos trajtohen në të ardhmen si sulme të thjeshta!”, ka thënë Kuqi.