Kryeministri i Republikës së Kosovës, Albin Kurti, së bashku me ministrin e Punëve të Brendshme, Xhelal Sveçla, kanë marrë pjesë në lansimin e shërbimeve të reja elektronike në portalin e-Kosova.
Shërbimet e reja përfshijnë, certifikatën e lindjes, ekstraktin e lindjes, certifikatën e martesës dhe certifikatën e vdekjes, si dhe shërbimin për vazhdimin e regjistrimit të veturës.
Në këtë konferencë Kryeministri Kurti ka folur edhe mbi çështje të tjera.
Ai ka thënë se raportet mes Kosovës dhe Shqipërisë janë mjaft të mira.
Madje, ai në pohim të kësaj deklarate, ka paralajmëruar takim të dy qeverive shqiptare, pas dy javësh.
“Pas dy javësh, e kemi një mbledhje të përbashkët më Shqipërinë pas takimit që kemi pasur në Elbasan. Raportet janë të mira”.
Në pyetjen e drejtuar nga RTV Dukagjini gjatë një konference, Kurti ka thënë se Kosova e Serbia mund të kenë shkëmbim vetëm kur presidenti serb i pranon masakrat që janë bërë në Kosovë gjatë luftës.
