Kryetari i Nismës Socialdemokrate, Fatmir Limaj, ka shprehur gatishmërinë për të bashkëpunuar me kryeministrin në detyrë Albin Kurti dhe çdo qeveri të ardhshme, nëse kjo bashkëpunim është në interes të Kosovës. Limaj theksoi se për të, shërbimi ndaj vendit është mbi çdo ndasi politike dhe se ai do të kontribuojë në çdo formë për të mirën e Kosovës.
Në Debat Plus, Limaj refuzoi të vendosë “vija të kuqe” ndaj ndonjë partie për ndërtimin e qeverisë së re, duke deklaruar se është i hapur për diskutime nëse është fjala për çështje nacionale.
“Unë jam i gatshëm me i ndihmu kryeministrit tim që i shërben vendit. Unë jam i gatshëm me i ndihmu kryeministrit, nëse kërkon ndihmën time në shërbimin të vendit. Gjithmonë (edhe nëse është Albin Kurti). Për këto tema nacionale, që jam duke folur, gjithë. Gjithë kam qenë”, ka thënë Limaj.
Limaj, ka bërë thirrje për bashkëpunim mes partive politike për të shmangur një krizë qeveritare pas zgjedhjeve.
Limaj u shpreh se Kosova ka nevojë urgjente për një qeverisje stabile, duke marrë parasysh zhvillimet e fundit ndërkombëtare dhe rajonale.
“Ne jemi të vogël, kanë punë të mëdhenjtë me u taku me njëri tjetrin. S’ka certifikimin të rezultateve. Zgjedhjet janë kryer. Tash është Kosova. Ata njerëz unë besoj që kur të kryhen duhet me u ulë sipas përgjegjësisë. Vota për të festuar është një natë. Veç një natë është buzëqeshja e fitores. Nëse e ndjen fitore, ose arritjen e rezultatit që ke pritu, vetëm ajo natë është ajo shija. Të nesërmit ajo kthehet në përgjegjësisë. Menjëherë të nesërmit 100 mijë, 200 mijë e 300 mijë njerëzve që të kanë votuar.
Ftesa ime është për të gjithë, t’i kthen kësaj përgjegjësie. Është kryer festivali. U lëshua, fishekzjarrët, të nesërmen është puna. Rreth Kosovës janë duke ndodhur zhvillime të mëdha, botës po ndryshon më të madhe. Me shumë re kurrë ka nevojë shpejt Kosova me pas qeverisje. Po e shihini e administratën e re në Amerikën, po e shihni çka po ndodh në Ukrainë. Kjo dinamikë rajonale, botërore, aleatët tanë sot janë në një situatë të rëndë. Dinamikën që po e udhëheq administrata amerikane është duke i befasuar edhe aleatët evropianë.
Janë tri parti të mëdha, e që kanë një përgjegjësi të madhe, e që duhet mi bë hapat mes tyre. Përmes tjerëve për ta bërë këtë. Nuk guxojnë të sjelljen me luks dhe inate.
Kosova nuk guxon me qenë në krizë qeveritare”, ka thënë Limaj në Debat Plus.
Krahas kësaj, Limaj ka thënë se me AAK-në janë parti të ndara, dhe se se kanë të domosdoshme të votojnë njëjtë.
“Duhet ta kuptojmë se ne jemi dy parti politike. Nuk e kemi të domosdoshme të votojmë njëjtë për çështje të ndryshme”, ka shtuar Limaj.