Në Dhomat e Specializuara të Kosovës (DHSK) në Hagë, edhe të enjten e 6 qershorit do të vazhdojë gjykimi ndaj ish-krerëve të UÇK-së.
Sipas njoftimit nga DHSK-ja, seanca do të fillojë nga ora 09:00.
Dje ka vazhduar dëshminë gazetari, Nuhi Bytyçi.
Pyetjet për dëshmitarin do të vazhdojnë edhe sot, ndërsa mbrojtja e Krasniqit përmes avokates Venkateswari Alagendra tha se do të mundohen të shfrytëzojnë gjysmë ore më pak sesa kishin parashikuar për kundërpyetjet e tyre.
Megjithatë, kryetari i trupit gjykues Charles Smith III tha se ka mundësi që sot të përfundojë edhe dëshmia e dëshmitarit të parë rezervë, i cili është paraparë të jetë gati për këtë javë, mirëpo për të dytin tha se nuk do ta kenë këtë javë.
Sot pritet ta përfundojë dëshminë dëshmitari, Nuhi Bytyçi.