As në votimin e radhës, Lista Serbe nuk arriti ta sigurojë postin e nënkryetares së Kuvendit të Kosovës.
Kandidatja e tyre, Verika Qenariq, ka dështuar të marrë votat e nevojshme, duke u bërë kështu kandidatja e katërt radhazi e Listës Serbe që nuk arrin të zgjidhet në këtë pozitë.
Në tri votime të ndara, Qenariq mori vetëm nëntë vota, të cilat i përkasin partisë së saj, ndërsa shumica e deputetëve të tjerë votuan kundër ose abstenuan.