Ekipet e shpëtimit janë duke punuar për shpëtimin e 40 punëtorëve që po punonin në një tunel që po ndërtohet në autostradën kombëtare Yamunotri në Uttarakhand, të cilët janë bllokuar për shkak të shembjes së dheut.
Ky tunel po ndërtohet për të lidhur Silkyara dhe Dandalgaon në rrethin Uttarkashi.
Kryeministri Narendra Modi ka telefonuar kryeministrin e shtetit, Pushkar Dhami dhe mori informacion për operacionin e shpëtimit.
Zyrtarët kishin thënë mëngjesin e sotëm se punëtorët e bllokuar në këtë tunel janë të sigurt, ndërsa me oksigjen po furnizohen nga jashtë.
Sandeep Sudhera, një zyrtar i lartë i National Highëays and Infrastructure Development Corporation Limited, ka thënë se “21 metra mbeturina janë nxjerrë nga brenda tunelit dhe 19 metra më shumë mbeturina kanë mbetur.”
Më herët, CO Uttarkashi Prashant Kumar doli nga tuneli të hënën në mëngjes dhe tha se “Ne patëm kontakte me njerëzit e bllokuar në tunel mbrëmë.”
“Ne u përpoqëm të kontaktonim tubacionin e National Highëays and Infrastructure Development Corporation Limited (NHIDCL), i cili po furnizon me ujë dhe oksigjen këtu përmes wireless. Me ndihmën e tij jemi lidhur me njerëzit e bllokuar brenda dhe ata kanë thënë se janë mirë.”
Ai tha “Biseda po bëhet me valë, ka sinjale të shkurtra në të. Nga kjo mund të dimë nëse janë mirë ata dhe çfarë u nevojitet.”
Kumar tha “Ka shumë zhurmë ndërsa flet me ta, por të gjithë janë të sigurt”.
Ata thonë se presin t’i shpëtojnë punëtorët të martën në mbrëmje ose të mërkurën.
Të martën në mëngjes, qeveria e shtetit tha se ekipet e shpëtimit po përgatiteshin për të shpuar dhe futur një tub metalik me diametër 900 milimetra në pjesën e tunelit të bllokuar nga mbeturinat për të arritur te punëtorët.
Tuneli në rrethin Uttarkashi është pjesë e projektit ambicioz të autostradës së qeverisë federale për të përmirësuar lidhjen me vendet e famshme të pelegrinazhit në Uttarakhand. Shteti malor, ku ndodhen disa maja dhe akullnajat Himalayan, është shtëpia e disa prej vendeve më të shenjta për hindusët.
Incidenti ndodhi të dielën kur një pjesë e tunelit Silkyara, rreth 200 metra larg hapjes së tij, u shemb ndërsa punëtorët ishin brenda, tha zyrtari i lartë i policisë, Arpan Yaduvanshi, për BBC Hindi.