Të hënën, FC Prishtina njoftoi se ka ndarë rrugët me Bujar Pllanën pas skadimit të kontratës së futbollistit.
Pas largimit nga skuadra kryeqytetase, burime të RTV Dukagjinit kanë bërë të ditur se Pllana do të transferohet te Slaven Belupo.
Pjesë e klubit kroat janë edhe dy futbollistët tjerë nga Kosova, Arbër Hoxha dhe Arb Manaj.
Që karrierën nuk do ta vazhdojë në Kosovë 21-vjeçari, ka paralajmëruar edhe vetë klubi i Prishtinës.
“Ai largohet nga kryeqyteti për ta vazhduar karrierën jashtë Kosovës pasi e fitoi trofeun e Kupës së Kosovës me ekipin tone,” thuhet në njoftim.
Bujar Pllana në edicionin e fundit me bardhekaltërit realizoi pesë gola, katër në kampionat dhe një në Kupën e Kosovës. Ai ishte transferuar te Prishtina në janar të vitit 2022.