Pas një dite të fillimit të muajit tetor, punonjësit e sektorit publik u janë ekzekutuar pagat këtë të martë.
Lajmin për Dukagjinin, e ka konfirmuar Ministria e Ekonomisë.
Siç ka mësuar Dukagjini, zyrtarët e Policisë së Kosovës, ministrive dhe ata të arsimit tashmë kanë pranuar pagat e tyre.
Që nga e hëna, zyrtarët publikë në Kosovë kishin mbetur pa paga për shkak të skadimit të mandatit të ushtruesit të detyrës së Drejtorit të Përgjithshëm të Thesarit.
Nga Ministria e Financave ende nuk kanë dalë me ndonjë sqarim se si u bë ekzekutimi i pagave me një ditë vonesë, kur dihet se ushtruesit të detyrës së Drejtorit të Thesarit tashmë i ka përfunduar mandati.
Ekzekutimi i pagave për zyrtarët publikë, si dhe për skemat sociale, sipas ligjit pritej të bëhej më 30 shtator, por pa nënshkrimin e ushtruesit të detyrës, nuk mund të bëhet asnjë dalje e parasë publike nga llogaritë e shtetit.