Elshani i PDK-së: Zgjedhjet duhet të mbahen më 18 dhe 25 dhjetor

Anëtari i Komisionit Qendror të Zgjedhjeve nga radhët e Partisë Demokratike të Kosovës, Arianit Elshani, ka thënë se zgjedhjet në komunat veriore të vendit duhet të mbahen më 18 dhe 25 dhjetor dhe u ka bërë thirrje qytetarëve të ofrojnë siguri për mbarëvajtjen e procesit zgjedhor

Anëtari i Komisionit Qendror të Zgjedhjeve, Arianit Elshani


Anëtari i Komisionit Qendror të Zgjedhjeve nga radhët e PDK-së, Arianit Elshani, ka thënë të martën e 6 dhjetorit se shteti i Kosovës nuk duhet të zbrapset dhe se zgjedhjet e jashtzakonshme në komunat në pjesën e veriut të vendit duhet të mbahen më 18 dhe 25 dhjetor.

“Veprimi i sotshëm për hapjen e Zyreve të KQZ-së në Komunat ku do të mbahen zgjedhjet ka qenë i koordinuar me Ministrinë e Punëve të Brendshme. Hapja e zyreve është e domosdoshme. Të gjitha aktivitetet e KQZ-së duhet të kryhen përmes prezencës fizike të zyrtarëve tanë në këto komuna, prandaj qasja dhe garantimi i sigurisë janë të domosdoshme”, ka thënë Elshani.

Ai tutje ka shkruar në faqen e tij në Facebook se tendencat politike për të destabilizuar dhe për të minuar procesin e zgjedhjeve nuk duhet të lejohen.

Ndër të tjera, Elshani u ka bërë thirrje institucioneve të ofrojnë siguri për mbarëvajtjen e procesit zgjedhor.

“Prandaj 18 dhe 25 Dhjetori janë datë zgjedhjesh. Deri më tash si KQZ ne kemi Certifkuar Kandidatët për Kryetarë të Komunave dhe Kandidatë për Kuvende Komunale; kemi emëruar U.D Zyrtarë të Lartë Komunal e Komisione Komunale të Zgjedhjeve. Nesër hedhet shorti për subjektet politike, kurse pasnesër fillon fushata zgjedhore, prandaj e gjitha që kërkojmë është siguri në mënyrë që vullneti i qytetarëve të shprehet lirshëm duke zgjedhë përfaqësuesit e tyre, e drejtë kjo e pacenueshme”, tha Elshani.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika