Presidenti i Turqisë, Recep Tayyip Erdogan, ka vizituar të premten disa nga provincat më të prekura nga tërmeti që goditi të hënën Turqinë.
Ai ka premtuar se do t’ua sigurojnë qiranë dhe banimin të gjithë qytetarëve të vendit.
Ndërsa, ka theksuar se kjo paraqet fatkeqësinë më të madhe në histori, e cila, sipas tij, Turqia është e vendosur ta shuajë këtë zjarr.
Ai ka theksuar se Turqia do ta mbrojë unitetin dhe solidaritetin, ndërsa ka shtuar se do të kalohet kjo fatkeqësi.
“Si komb, po përballemi me një nga fatkeqësitë më të mëdha në historinë tonë. Por, ne jemi të vendosur ta shuajmë këtë zjarr në zemrat tona. Për sa kohë ne mbrojmë unitetin dhe solidaritetin tonë më të fortë, do ta kalojmë edhe këtë fatkeqësi, in sha Allah…”, ka shkruar ai në llogarinë e tij në Facebook.