Presidenti turk, Rexhep Tayyip Erdogan, të premten, do t’i vizitojë provincat Adiyaman dhe Malatya, të premten, për të parë nga afër zonat e prekura nga tërmeti, kështu ka njoftuar transmetuesi shtetëror turk, shkruan CNN.
Këto provinca ndodhen në jug të vendit dhe në veri të Gaziantepit.
Deri më tani, më shumë se 21 mijë njerëz kanë mbetur të vdekur në Turqi dhe Siri, ndërsa punonjësit e shpëtimit po punojnë intensivisht për të gjetur të mbijetuarit nën rrënoja.
Erdogan edhe të mërkurën kishte vizituar të mbijetuarit.
Aty, Erdogan edhe ka mbajtur një konferencë të drejtpërdrejtë për media, ku ka njoftuar se për familjet e prekura nga tërmeti do të jepet ndihma financiare prej 10 mijë lirash.
“Bashkë me vlerësimin e dëmeve do të japim mbështetjen tonë specifike për familjet. Ne kemi ndarë një buxhet të caktuar nga Ministria e Financave. Me vlerësimet e dëmeve, ne kemi planifikuar shifrën 10 mijë, që do të lehtësojë çdo familje gjatë këtij procesi. Këtyre familjeve si Qeveri do t’u dorëzojmë nga 10 mijë lira”, ka deklaruar ai.