Erik ten Hag tha se po planifikon ta ketë sulmuesin portugez në skuadrën e tij sezonin e ardhshëm.
Ndërsa, për mospjesëmarrjen në ndeshjet e parasezonit kundër Liverpoolit, ai tha se Ronaldos i është dhënë pushim për t’u marrë me një çështje familjare dhe nuk ka udhëtuar për në Bangkok përpara ndeshjes së parë të parasezonit kundër Liverpoolit në stadiumin kombëtar Rajamangala të martën.
“Ai nuk është me ne dhe kjo është për shkak të çështjeve personale”, ka thënë ten Hag në një konferencë shtypi të hënën, njofton ESPN.
Gjithashtu, ai tha se me padurim po pret të fillojë sezonin e ardhshëm dhe të punojë më Ronaldon.
“Ne po planifikojmë për Cristiano Ronaldon për sezonin dhe kaq. Mezi pres të punoj me të. Kam lexuar që ‘ai dëshiron të largohet’, por ajo që them është se Cristiano nuk është në shitje, ai është në planet tona dhe ne duam sukses së bashku.
Ten Hag ka mbërritur në Tajlandë me Tyrell Malacia si nënshkrimin e vetëm të ri në skuadër.