Prishtina G Talks, një ngjarje e organizuar nga Grida Duma Event, do të mbahet më 9 Mars në Klan Arena, duke sjellë temën “Gruaja Lidere”.
Alba Durmishi, organizatore e eventit “Gruaja lidere”, e cila ishte e ftuar në emisionin “Reload”, ka treguar se organizimi po shkon mirë.
Sipas saj, Grida Duma e sjell një frymë të re, flet për gruan lider duke e ilustruar atë me historinë që e ka përcjellë gjatë gjithë jetës së saj.
“Ajo nuk heziton të jetë edhe autokritike, do të flasë me një ironi, kush kanë qenë njerëzit që e kanë mbështetur… Të qenurit grua lider përveç se është një gjë e bukur, mbase është edhe një gjë shumë sfiduese. Grida do të sjellë shembuj se si kanë qenë etapat e saj gjatë gjithë kohës që do të jenë model frymëzimi për të gjitha gratë. Eventi i Gridës mbahet më 9 mars në orën 12:00 te Klan Arena”, tha ajo.
Ky event është pjesë e nismës për të nderuar dhe promovuar rolin e gruas në shoqëri, duke theksuar fuqinë dhe ndikimin e tyre në çdo sferë të jetës.
Duke filluar nga ora 12:00, ky aktivitet do të udhëhiqet personalisht nga Grida Duma, një personalitet i njohur dhe frymëzues në skenën mediale dhe shoqërore në Kosovë.
Gjatë kësaj ngjarjeje, do të ketë biseda dhe diskutime rreth rolit dhe sfidave që hasin gratë në udhëheqje.