Më 16 dhjetor, në Doha të Katarit, u mbajt ceremonia prestigjioze ‘FIFA The Best 2025’, ku u nderuan futbollistët, trajnerët dhe ekipet më të mira të vitit në futbollin e meshkujve dhe të femrave.
Mbrëmja u karakterizua nga dominimi i Paris Saint-Germain, shkëlqimi individual i Ousmane Dembeles dhe vazhdimësia e epokës së artë të Aitana Bonmatít.
Ylli francez i PSG-së, Dembele, u shpall ‘The Best FIFA Men’s Player 2025’, pas një sezoni historik.
Ai ishte figura kyçe në triumfin e parë të PSG-së në Ligën e Kampionëve, duke shënuar tetë gola dhe dhënë gjashtë asistime në garën elitare evropiane.
Përveç suksesit evropian, Dembele fitoi tripletën vendore me PSG-në dhe u shpall MVP i Ligue 1 dhe i Ligës së Kampionëve.
#TheBest FIFA Men's Player 2025: Ousmane Dembélé. 🏆
— FIFA World Cup (@FIFAWorldCup) December 16, 2025
Argjentinasi Santiago Montiel u shpërblye me Çmimin ‘Puskás 2025’ për një gol spektakolar me gërshërë, të shënuar në kampionatin argjentinas. Goli u vlerësua nga FIFA si një nga më të bukurit e viteve të fundit, duke e bërë Montiel fituesin e radhës nga Argjentina të këtij çmimi prestigjioz.
Mesfushorja e Barcelonës dhe Spanjës, Aitana Bonmati, fitoi për të tretin vit radhazi çmimin ‘The Best FIFA Women’s Player’. Pavarësisht humbjeve në finale evropiane, ajo u shpall MVP në turne të rëndësishëm dhe udhëhoqi Barcelonën drejt tripletës vendore.
First time was so nice, she had to do it thrice. 🤩#TheBest FIFA Women's Player 2025: Aitana Bonmatí. 🏆
— FIFA Women's World Cup (@FIFAWWC) December 16, 2025
Trajneri i PSG-së, Luis Enrique, u shpall Trajneri më i mirë i vitit, pasi udhëhoqi ekipin drejt një sezoni dominant, përfshirë fitoren bindëse 5–0 në finalen e Ligës së Kampionëve.
Ndërkohë, Gianluigi Donnarumma u shpall portieri më i mirë i botës, duke u vlerësuar për paraqitjet vendimtare gjatë sezonit triumfues.
Në ekipin më të mirë të vitit për meshkuj dominuan lojtarët e PSG-së, ndërsa vëmendje e veçantë morën talentet e rinj si Lamine Yamal. Në futbollin e femrave, Anglia dhe Spanja kryesuan listën e fituesve, me Sarina Wiegman si trajnerja më e mirë dhe Hannah Hampton si portierja më e mirë.
#TheBest FIFA Men's 11 in 2025. ✨
— FIFA World Cup (@FIFAWorldCup) December 16, 2025