Kombëtarja e Kosovës do të jetë nikoqire e Suedisë në stadiumin ‘Fadil Vokrri’ me fillim nga ora 20:45.
Kjo ndeshje do të luhet në kuadër të ciklit kualifikues për Kupën e Botës 2026, e vlefshme për Grupin B.
‘Dardanët’ e nisën me humbje fushatën kualifikuese drejt Botërorit, duke u mposhtur me rezultat 4-0 nga Zvicra.
Për këtë ndeshje, përzgjedhësi Franco Foda ka vendosur të bëjë disa ndryshime në formacionin titullar për të arritur deri tek tri pikët e para.
Nga minuta e parë e parë luajnë Fidan Aliti, Baton Zabërgja, Albion Rrahmani dhe Dion Gallapeni.
Formacionet zyrtare:
Kosova: Muric, Vojvoda, Dellova, Aliti, Gallapeni, Zabërgja, Avdullahu, Rexhbecaj, Muslija, Muriqi, Rrahmani.
Suedia: Olsen, Gudmundsson, Hien, Ekdal, Svensson, Saletros, Ayari, Hugo Larsson, Bernhardsson, Gyokeres, Elanga.
