Fotografia e ish-presidentit Ibrahim Rugova, të mërkurën e 22 qershorit, është vendosur në muret e Parlamentit Evropian.
Lajmin e ka bërë të ditur presidentja e Kosovës, Vjosa Osmani përmes një postimi në Facebook.
Ajo ka publikuar fotografinë e Rugovës duke shkruar “Një moment i veçantë sot në Parlamentin Evropian”.
Ibrahim Rugova, ish-presidenti i Kosovës, admirohej për ndjekjen e një politike rezistencë paqësore ndaj sundimit serb, në kohën kur shpërbërja e Jugosllavisë po shkaktonte luftëra të përgjakshme në Kroaci dhe Bosnjë dhe Hercegovinë në fillim të viteve të 90-ta.
Rugova u lind më 2 dhjetor 1944 në fshatin Cerrcë, në komunën e Istogut.
Ndërsa ka vdekur më 21 janar të vitit 2006, pas një beteje me kancerin në mushkëri.
