Franca ka dërguar gaz në Gjermani për herë të parë në “solidaritetin evropian” mes presioneve në rritje të energjisë.
Gazi, i shpërndarë nëpërmjet një tubacioni, është pjesë e një marrëveshjeje midis vendeve për të lehtësuar mungesat e energjisë pasi Rusia ka mbyllur rubinetat për në Evropë.
Rusia është akuzuar për përdorimin e furnizimeve me gaz si armë kundër Perëndimit që nga pushtimi i Ukrainës.
Operatori francez i rrjetit, GRTgaz, ka thënë se fillimisht do të dërgonte 31 gigavat orë (GWh) në ditë, nëpërmjet një tubacioni nga fshati kufitar francez i Obergailbach.
Muajin e kaluar, në marrëveshjen e solidaritetit energjetik, Gjermania është zotuar të sigurojë energji shtesë për Francën kur të jetë e nevojshme, dhe në këmbim Franca është dakorduar të ndihmojë Gjermaninë me furnizimet me gaz.
Pushtimi rus i Ukrainës në shkurt ka çuar në rritje të çmimit të gazit dhe klientët e BE-së përballen me tarifa rekord këtë dimër, raporton BBC.
Ndërkaq Gjermania është duke rriur përdorimin e qymyrit dhe po zgjat jetën e termocentraleve që do të mbylleshin pavarësisht ndikimit negativ mjedisor.