Frashër Krasniqi nga Partia Socialdemkorate (PSD) ka pyetur shefen e grupit parlamentar të Lëvizjes Vetëvendosje, Mimoza Kusari-Lila për telefonatat me Radojqiçin, në rast se me të ka zhvilluar biseda të tjera.
Krasniqi ka publikuar një video në Facebook duke e pyetur Kusari-Lilën se “a po vazhdon koordinimi me Millan Radojiçiqin”.
“E pyeta, a janë duke u koordinu hala me Radojçiqin. Nuk m’u përgjigj. Por heshtjen e saj e mora si pohim. Sepse Qeveria Kurti veç n’publik është kundër Serbisë. Veç kur i duhet Serbia për me i sulmu ata që mendojnë ndryshe. Ama koordinimin me Radojçiqin e ka në nivel”, ka shkruar ai.
Ndonëse përgjigjet e Kusari-Lilas nuk dëgjohen, e njëjta shihet duke qeshur.
Bisedat në mes Slavko Simiqit dhe Mimoza Kusari-Lilës janë publikuar nga gazeta “Nacionale”.
Në audio-incizim dëgjohet Simiq duke thënë se Kusari – Lila është dëgjuar pesë herë me Milan Radojçiqin.