Gana ka shënuar fitore sensacionale ndaj Koresë së Jugut me rezultat 3:2, në kuadër të Grupit H.
Mohammed Salisu dhe Mohammed Kudus i dhanë Ganës një epërsi dy me zero në pjesën e parë të hënën në stadiumin Education City.
Pjesa e parë përfundoi me këto dy gola, ndërsa në të dytën u shënuan edhe tre të tjerë.
Koreanët më pas filluan të merrnin dominimin e ndeshjes, duke shënuar për 2-1 me anë të Cho Gue-Sung në minutën e 58-të të takimit.
Ata nuk u ndalën me kaq, dhe Gue-Sung (61′) shënoi edhe të dytin personal, për t’i barazuar shifrat në 2-2.
Mirëpo, Gana e riktheu epërsinë me golin e Kudus në minutën e 68-të, ndërsa Inaki Williams ishte në rolin e asistuesit.
Portugalia është lidere e Grupit H me tri pikë, aq sa ka tani edhe Gana, ndërsa Uruguai e Koreja e Jugut me nga një.
