Gazetarja nga RTV Dukagjini, Doruntina Bylykbashi është shpallur fituese e çmimit “Video-storia e shkurtër më e mirë” në konkursin “Raportimi më i mirë kundër varfërisë” të vitit 2022.
Konkursi ka qenë i hapur për të gjithë gazetarët që janë banorë të Kosovës.
Fituesit, autorë të storieve më të mira janë shpërblyer me nga një çmim prej një mijë euro për pesë kategoritë.
- Video-storja e shkurtër më e mirë
- Dokumentari më i mirë televiziv
- Audio-storja më e mirë
- Storja e shkruar më e mirë
- Fotografia më e mirë
Në këtë organizim kanë marrë pjesë edhe gazetarët ukrainas të cilat i ka mirëpritur Kosova në kuadër të programit “Journalists in Residence – Kosovo”, të inicuar nga European Centre for Press and Media Freedom ECPMF, e që mbështetet financiarisht nga Qeveria e Kosovës.
Asociacioni i Gazetarëve të Kosovës në partneritet të ngushtë me UN Kosovo Team (UNKT), përmes Zyrës së Koordinatorit të Zhvillimit, ka organizuar edicionin e 17-të të çmimit vjetor “Çmimi për raportimin më të mirë Kundër Varfërisë – 2022”.
Përmes rezolutës së Kombeve të Bashkuara të miratuar më 22 dhjetor 1992, Asambleja e Përgjithshme ka shpallur datën 17 tetor si Ditën Ndërkombëtare për Zhdukjen e Varfërisë.