Hysen Gecaj, ish-ushtarak, ka thënë se Kosova nuk është më target i lehtë për kundërshtarët e saj, sidomos pas pranimit të fajësisë së agjentit të BIA-s serbe, Aleksandër Vlajiq, i cili është dënuar sot me 5 vite burgim.
Ai ka thënë se arrestimi e deri te vendimi dënuese i agjentit të BIA-s serbe është mesazh tejet i rëndësishëm.
Sipas tij, ky rast tregon se Kosova nuk është më ajo që ka qenë dikur, pasi që kapacitetet e saj të sigurisë janë ngritur lart në aspektin profesional.
“Institutionet e sigurisë së Kosovës kanë arritur në një nivel të lartë të zhvillimit në kuptimin e mbrojtjes dhe parandalimit të mundshëm të ndërhyrjeve të huaja inteligjente në çfarëdo forme qofshin ato,” ka thënë ai.
Më tej, Gecaj ka thënë se Serbia, që nga viti 1999, është munduar që të ndërtojë një bazament në Republikën e Kosovës ku do të ndërhynte me lehtësi.