Gërvalla është takuar të martën e 26 prillit me Komisionarin për Zgjerim të BE-së, Oliver Varhelyi, me të cilin ka biseduar për zhvillimet e fundit në Kosovë. Ky takim është mbajtur në kuadër të Forumit “ The EU Meets the Balkans” i cili po zhvillohet në Sofje të Bullgarisë.
Kjo është bërë e ditur nga Varhelyi në një postim në rrjetin sociali Twitter, ku ka shkruar se, “Ruajtja e paqes dhe sigurisë së Ballkanit Perëndimor, përdorimi i mundësive të ofruara nga EIP dhe përparimi në dialogun Beograd-Prishtinë, janë objektivat tona të përbashkëta, ndërsa trajtojmë efektet e luftës në Ukrainë”.
Sofia #BALKANS Forum. Discussed the latest issues in 🇽🇰 with @gervallaschwarz . Preserving peace & security of WB, using opportunities offered by EIP & making progress on Belgrade – Pristina Dialogue are our common objectives as we tackle the effects of the war in Ukraine pic.twitter.com/MDT62LJGMx
— Oliver Varhelyi (@OliverVarhelyi) April 26, 2022
Ndërkaq, ministrja Gërvalla ka thënë se BE-ja duhet t’i respektojë zotimet e saj për ta bërë vendin anëtare të saj.
Sipas Gërvalles, njerëzit në Kosovë mbështesin fuqishëm integrimin në BE, dhe vendi është duke i bërë të gjitha përpjekjet për t’i përmbushur kriteret e nevojshme për të qenë anëtare e Bllokut.
“Mesazhet që po i dërgohen Ballkanit Perëndimor, duhet të jenë shumë të qarta”, ka thënë kryediplomatja e Kosovës.
Gjithashtu, ajo ka bërë thirrje që të hiqen vizat për Kosovën, duke specifikuar se qëllimi kryesor i Prishtinës zyrtare është anëtarësimi në BE.