Njohësi i çështjeve ekonomike, Safet Gërxhaliu, ka treguar se rritja e të hyrave në Doganë dhe në ATK nuk është në aspektin e vlerës, por në aspektin kuantitativ.
Ai, përmes një lidhje të drejtpërdrejtë në emisionin “Five” në RTV Dukagjini, ka thënë se indikatori më i mirë për matjen e ekonomisë është kënaqësia e qytetarëve.
“Indikatori më i mirë që e mat ekonominë dhe aspektin social në një shtet është kënaqësia e qytetarëve, dhe nëse e shihni këtë te qytetarët e Kosovës, kemi më shume arsye për brengosje sesa për krenari e eurori”, është shprehur Gërxhaliu.
Gërxhaliu gjithashtu shprehet kritik ndaj qeverisë, duke thënë se një qeveri e cila pret të hyra nga sektori privat dhe duke parë distancimit e saj ndaj qytetarëve, është mjerim.
“Të pritësh të hyra nga sektori privat dhe të kesh këtë distancë ndaj tyre si institucione dhe si qeveri, me të vërtetë është për mjerim që mund ta gjeni në Kosovë, e cila për fat të keq ka orientim majtist dhe dëshiron të prodhojë politikë dhe ekonomi të njëjtë”, ka thënë Gërxhaliu.