Policia e Kosovës ka njoftuar se është gjetur një person pa shenja jete në shtëpinë e tij në Gllogoc të Drenasit.
Në raportin 24-orësh thuhet se njësitë policore kanë dalë në vendin e ngjarjes, ku nga ekipi mjekësor është konstatuar vdekja e viktimës.
Po ashtu në vendin e ngjarjes janë gjetur dhe sekuestruar një pistoletë me dy fishekë, dy predha dhe katër gëzhoja të fishekëve.
Me urdhër të prokurorit, trupi i pajetë i viktimës është dërguar në IML për obduksion, ndërsa rasti po vazhdon të hetohet.
“Është raportuar se viktima, mashkull kosovar, ishte gjetur pa shenja jete nga familjarët në një dhomë të shtëpisë së tij. Njësitë policore kanë dalë në vendin e ngjarjes dhe ekipi mjekësor dhe nga mjeku është konstatuar vdekja e viktimës. Në vendin e ngjarjes janë gjetur dhe sekuestruar një pistoletë me dy fishekë, dy predha dhe katër gëzhoja të fishekëve”, thuhet në raport.