Në kryeqytetin e Gjermanisë, karburantet fosile janë bërë një mall i rrallë.
Në Berlin, 5 mijë deri në 6 mijë familje ende ngrohen me qymyr.
Personat që ende përdorin qymyrin për ngrohje janë shpesh të moshuar, ndonjëherë krejtësisht të varur nga kjo lëndë djegëse dhe që jetojnë në shtëpi të vjetra që nuk janë rinovuar kurrë, ose adhurues të nxehtësisë së madhe që buron nga sobat e vjetra.
Por këtë vit, klientët e rinj kanë mbërritur “në tufa”, ka thënë Frithjof Engelke, biznesi i vogël i të cilit është diversifikuar gjithashtu në pelet druri dhe naftë, raporton euronews.
“Unë jam duke blerë qymyr për herë të parë pas shumë vitesh”, ka theksuar Jean Blum.
Meqenëse shtëpia e tij ka qenë e pajisur me gaz, ai ndonjëherë e ka ndezur sobën, por vetëm me dru.
Dhe ndërsa çmimet e qymyrit janë rritur, ai ende mbetet shumë më i ulët se ai i gazit apo i drurit.
“Edhe nëse është e keqe për shëndetin, është më mirë se të jesh i ftohtë”, ka shtuar ai.
Ndryshe, prodhimi i qymyrit është rritur në të gjithë Gjermaninë që nga fillimi i vitit, por kërkesa është e madhe dhe furnitorët janë të shqetësuar se mund të mos jenë në gjendje ta përmbushin atë plotësisht gjatë dimrit.