Është ndaluar një shofer në Gjilan, pasi i njëjti kishte hyrë në rrethrrotullim nga ana e kundërt, derisa rreth kontrollit të dokumenteve ka pasur dyshime që i njëjti ka qenë nën ndikim të alkoolit.
Pasi të dyshuarit i është bërë matja e alkoolit, është vërtetuar se ishte nën ndikim të alkoolit me 0.87 promila alkool.
Të njëjtit i është shqiptuar gjoba prej 200 eurosh, i është konfiskuar patentë shoferi për tre muaj dhe i janë dhënë dy pikë negative.
“Të njëjtit në bazë të ligjit 08/L-186 neni 233 paragrafi 4 i është shqiptuar gjoba në vlerë prej dyqind (200) euro-ve, konfiskuar patentë shoferi me masa e përkohshëm e ndalim vozitjes në afat prej tre (3) muajsh dhe dy (2) pikë negative, si dhe automjeti i tij është konfiskuar përkohësisht”, ka njoftuar Policia e Kosovës.
Policia ka apeluar që vozitësit t’i respektojnë normat dhe ligjet e trafikut rrugor, duke theksuar se qytetarët mund t’i raportojnë të gjitha kundërvajtjet dhe se të dhënat e tyre do të ruhen në konfidencialitet të plotë.