Gjoshi: Sot Vuçiqi do t’i tregojë Kurtit se si të zgjidhet një çështje e brendshme e Kosovës

Anëtari i kryesisë së PDK-së, Betim Gjoshi, ka thënë se “Albin Kurti e ka refuzuar kërkesën dhe këshillën miqësore të SHBA-ve, por ai ka pranuar t'i nënshtrohet diktatit dhe politikave destruktive e armiqësore të Serbisë”

Anëtari i kryesisë së Partisë Demokratike të Kosovës, Betim Gjoshi

Anëtari i kryesisë së Partisë Demokratike të Kosovës(PDK), Betim Gjoshi ka reaguar lidhur me takimin e kryeministrit Albin Kurti me presidentin e Serbisë, Aleksandar Vuçiq në Bruksel.

Ai ka ironizuar me kryeministrin duke thënë se ai po diskuton me Vuçiqin për problemet e brendshme të Kosovës.

“Albin Kurti e ka refuzuar kërkesën dhe këshillën miqësore të SHBA-ve, por ai ka pranuar t’i nënshtrohet diktatit dhe politikave destruktive e armiqësore të Serbisë”, ka shkruar Gjoshi.

Sipas Gjoshit, “një kryeministër i Kosovës duhet që vendimet e tilla t’i flasë vetëm me miqtë e Kosovës, sidomos amerikanët”. “Çdo ulje në tavolinë për ta negociuar me Serbinë një vendim të qeverisë sovrane të shtetit që përfaqëson, është nënshtrim”, ka shtuar më tej Gjoshi.

Anëtari i kryesisë së PDK-së ka potencuar se ky nënshtrim është fuqizim i Serbisë në çështjet e brendshme të Kosovës.

Tutje Gjoshi ka thënë se “sot, Aleksandër Vuçiqi do t’i tregojë Albin Kurtit se si të zgjidhet një çështje e brendshme e shtetit të Kosovës – targat ilegale që i lëshon Serbia”.

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika