Miratimi i rezolutës për Srebrenicën në Asamblenë e Përgjithshme të Kombeve të Bashkuara, sipas ministrit të Punëve të Jashtme të Serbisë, Marko Gjuriq, është përdorur politikisht për “ta shkelur Marrëveshjen e Dejtonit”.
Gjuriq tha se rezultati i votimit është një sinjal për ata që do të përpiqen, siç thotë ai, “ta fusin Kosovën në OKB me të cilën do të përballen me rezistencë të madhe”.
Ai ka theksuar se Rezoluta për Ditën Ndërkombëtare të Kujtimit dhe të Përkujtimit të Gjenocidit në Srebrenicë është “një përpjekje për të shkaktuar grindje mes serbëve dhe boshnjakëve”.
Shefi i diplomacisë serbe tha se disa ithtarë të rezolutës u “përpoqën të mashtrojnë vendet anëtare të OKB-së para votimit dhe, ndër të tjera, me një histori të rreme se Serbia do të votonte pro rezolutës ose se të paktën do të abstenonte”.