“Të gjitha subjektet mbetën në qëndrimet e tyre. Unë shoh se ka vullnet për të biseduar, pres që në takimin e ardhshëm të dalim me propozime dhe zgjidhje konkrete”, ka deklaruar Gjuroviq.
Kryetarja e Kuvendit të Malit të Zi, Danijela Gjuroviq, ka folur për çështjen e zgjedhjes së gjyqtarëve të Gjykatës Kushtetuese, ku ka thënë se është është prioritet i Kuvendit, që kjo çështje të zgjidhet në seancën e 22 nëntorit të vitit 2022.
“Çështja e Gjykatës Kushtetuese është prioritet, duhet ta zgjidhim më 22 nëntor. Duhet të biem dakord edhe për çështjen e legjislacionit zgjedhor dhe Këshillit Gjyqësor”, ka deklaruar ajo.
Sipas saj, duhet të diskutohet data e zgjedhjeve të jashtëzakonshme parlamentare.
“Pres që Gjykata Kushtetuese të zhbllokohet më 22 nëntor. Para kësaj, do të thirret seanca e re e dialogut politik”, ka shtuar Gjuroviq.
Gjuroviq tha se zyrtarët e DF-së u larguan nga takimi dhe se “nuk ishte momenti të përcaktohemi sipas kërkesave të dikujt”.
Ndërsa, Gjuroviq kishte organziuar një takim për zgjidhjen e krizës politike dhe institucionale në formatin e liderëve partiakë, por nga i cili, u larguan Andrija Mandiq (DF), Milan Knezheviq (DF), Nebojsha Medojeviq (DF), Maksim Vuçiniq (Partia e Punës), Marko Milaçiq (E vërtetë Mali i Zi) dhe Goran Danilović (Mali i Zi i Bashkuar) raporton Vjesti transmeton Portali Dukagjini.