Ka përfunduar ndeshja spektakolare mes Real Madridit dhe Barcelonës, ku janë shënuar plot shtatë gola, me rezultat 4:3 për katalanasit.
Real Madridi e nisi ndeshjen furishëm, duke kaluar në epërsi që në minutën e 5-të me golin e parë të Mbappe.
Francezi realizoi sërish në minutën e 14-të, duke dyfishuar rezultatin në favor të “Los Blancos”.
Por Barcelona reagoi menjëherë.
Vetëm pesë minuta më vonë, Garcia shënoi për 2-1 në minutën e 19-të, ndërsa brenda dy minutave katalanasit përmbysën gjithçka: fillimisht Yamal realizoi një supergol në minutën e 32-të, e më pas Raphinha në të 34-ën e kaloi Barçën në epërsi.
Raphinha shënoi sërish në minutën e 45-të, duke vulosur pjesën e parë me rezultatin 4-2 për Barcelonën.
Reali në pjesën e dytë dha golin e tretë, i cili u shënua nga Mbappe në minutën e 70-të, ku e kompletoi edhe hat-trickun.
Me këtë fitore, Barça gjendet në vendin e parë me 82 pikë, shtatë më shumë se Reali që gjendet i dyti me 75.
Reali tashmë me humbjen rrezikon të dalë nga gara për titullin kampion.