Ministria e Punëve të Jashtme dhe e Diasporës njofton të gjithë shtetasit e Republikës së Kosovës se që nga nesër, më datë 2 prill 2024, me fillim nga ora 06:00 e mëngjesit e deri më datën 4 prill 2024, në orën 06:00 të mëngjesit, kufijtë e Greqisë do të jenë të mbyllur.
E gjithë kjo si pasojë e një greve 48-orëshe, të paralajmëruar nga shërbimi doganor grek.
MPJD-ja njofton shtetasit se kalimi i kufirit do të lejohet vetëm për këmbësorët pa bagazhe dhe për personat me probleme serioze shëndetësore.
Shtetasit e Republikës së Kosovës, që mund të kenë nevojë për informacione shtesë, inkurajohen të kontaktojnë Zyrën e Interesave të Kosovës në Athinë.