Ministri në detyrë i Administrimit të Pushtetit Lokal, Elbert Krasniqi, ka thënë se grupi parlamentar multietnik do të përbëhet nga tetë deputetë nga partitë KDTP, VAKAT, NDS, IRDK, PSA, SPO dhe LPRK.
Në një postim në Facebook, Krasniqi ka shkruar se grupi është i përkushtuar të japë kontributin e tij për formimin e institucioneve të Republikës sa më shpejt.
Në foton e postuar nga Krasniqi shfaqet edhe kreu i KDTP-së, Fikrim Damka, i cili pas rinumërimit nuk ka arritur të sigurojë vendin si deputet.
Nga radhët e KDTP-së, vend në legjislaturën e dhjetë kanë siguruar Ergul Mazrek dhe Fatma Taçi.
“Grupi parlamentar multietnik përbëhet nga 8 deputetë të partive KDTP, VAKAT, NDS, IRDK, PSA, SPO dhe LPRK. Të përkushtuar të japim kontributin tonë në formimin e institucioneve të republikës sa më parë”, ka shkruar Krasniqi.