Manchester City ka kaluar në krye të Premier Ligës me një mposhtje 4-0 ndaj Southampton-it, ndërsa lojtari Erling Haaland e zgjeroi serinë e tij të pabesueshme të golave në të gjitha ndeshjet për ekipin e tij.
Joao Cancelo, Phil Foden dhe Riyad Mahrez shënuan të gjithë për skuadrën e Pep Guardiolës përpara se Haaland të shtonte golin e tij të zakonshëm për të vulosur një tjetër sukses të njëanshëm në Etihad Stadium.
Haaland ka shënuar 20 gola mahnitës në 12 ndeshjet e tij të para konkurruese që nga transferimi i tij prej 56 milionë dollarë nga Borussia Dortmund, në muajin korrik.
Po ashtu, ai ka shënuar 15 herë në nëntë paraqitje në Premier League, duke përfshirë një hat-trick në secilën nga tre ndeshjet e fundit të City-t në shtëpi.
I nxitur nga sulmuesi norvegjez, City është klubi i parë që shënon të paktën tre gola në nëntë ndeshje radhazi në shtëpi të kampionatit të parë që nga Wolves në 1959.
Pas kësaj fitore, City e merr përkohësisht pozitën e parë me 23 pikë apo dy më shumë se Arsenali i dyti me një ndeshje më pak, ndërsa Southamptoni zë vendin e 16-të me shtatë pikë.
Kampionët tani janë dy pikë larg Arsenalit të vendit të dytë përpara ndeshjes së klubit të Londrës veriore me Liverpool të dielën.
Ekipi i Guardiolës ka humbur vetëm një nga 37 ndeshjet e fundit të ligës.
City ka shënuar 24 gola në gjashtë ndeshjet e fundit, duke fituar tetë nga nëntë ndeshjet e fundit në të gjitha garat.
Në kontrast të plotë me formën e fortë të Cityt, humbja e pestë radhazi e Southampton ka shtuar presionin në rritje ndaj trajnerit Ralph Hasenhuttl.
Southampton tani është në pozitën e 16-të me shtatë pikë.
Ndërkaq, në Stamford Bridge, Chelsea ka shënuar fitoren e tretë në katër ndeshjet e trajnerit të ri Graham Potter, që kur zëvendësoi Thomas Tuchelin e shkarkuar.