Trajneri i Kosovës A, Rami Hadar ka publikuar listën ku ka ftuar 17 lojtarë. Sipas tij, kjo listë do të shkurtohet në 12 lojtarë.
Në një postimin në faqen zyrtare në Facebook të Federatës së Basketbollit të Kosovës (FBK), ka edhe emra të lojtarëve që luajnë për herë të parë për Kosovën A.
“Krahas viteve të fundit listës i është shtuar Lis Shoshi e Dardan Kapiti, ndërsa Dominic Artis, i është bashkuar për herë të parë Kosovës, i cili do të luajë si lojtar i natyralizuar në pozitën e organizatorit. Për herë të parë Kosovës A iu është bashkangjitur edhe Shendrit Llapi, i cili me herët ka qenë pjesë e grupmoshave të reja.”, thuhet në postimin e FBK-së.
Kosova është pjesë e grupit H, dhe do të luaj kundër Zvicrës si vendase me 19 korrik, pastaj si mysafire kundër Danimarkës me 26 korrik, dhe kundër Zvicrës me 29 korrik. Ciklin para-kualifikues Kosova e mbyll me 5 gusht ku në shtëpi e pret Danimarkën.
Kosova këtë vitë ndeshjet në shtëpi do t’i zhvillojë në palestrën “Sezai Surroi” në Prizren.