Sibel Halimi, veprimtare e të drejtave të grave ka thënë se dhunimi i të miturës nga pesë persona në Prishtinë “është lajmi tragjik”.
“Këmbana tjetër e alarmit të një shoqërie që kërkon qasje urgjente të trajtimit e diskutimit gjithëpërfshirës për të drejtat e vajzave”, ka thënë ajo.
Halimi më tej është shprehur se “gjuha e dhunës, shtypjes e misogjenizmit të legjitimuara nga mentaliteti i çdoditshëm patriarkal shpërfaq veprime të tilla çnjerëzore”.
Ndërsa sipas saj përgjegjësia institucionale ndaj dënimit të këtyre rasteve dhe ofrimit të sigurisë për vajzat “është thelbësore që rastet e tilla të mos përfundojnë vetëm në kronika mediale, por kryerësit të marrin dënimin e merituar!”, ka përfunduar Halimi.
Gjykata i ndalon dy persona të dyshuar për dhunimin e 11-vjeçares në Prishtinë