Drejtoresha e Kulturës në Prishtinë, Sibel Halimi ka njoftuar se së bashku me drejtorin e shoqatës ‘Guideks’ dhe me të rinjët e të rejat e kryeqytetit kanë vizituar objektet ikonike të trashëgimisë kulturore.
Halimi përmes një postimi në rrjetin social “Facebook” ka shkruar se trashëgimia kulturore nuk është thjeshtë një kujtim i së kaluarës por burim i frymëzimit për të ardhmen.
“Së bashku me të rinjtë dhe të rejat e Kryeqytetit si dhe me Muamer Sivrikoz, drejtorin e shoqatës GUIDEKS vizituam disa prej objekteve ikonike të kryeqytetit tonë. Këto objekte, të pasura me histori dhe kulturë, na kujtuan se sa e rëndësishme është të ruajmë dhe promovojmë trashëgiminë tonë për brezat e ardhshëm.Trashëgimia kulturore nuk është thjesht një kujtim i së kaluarës, por një burim i përhershëm frymëzimi për të ardhmen. Ndaj, bashkëbisedimi me të rinjtë na kujtoi edhe njëherë rëndësinë e edukimit të të rinjëve lidhur me vlerat e trashëgimisë tonë kulturore”, shkroi Halimi.