Kryetari i Partisë Demokratike të Kosovës, Bedri Hamza, gjatë një vizite në Bashkësinë Islame të Kosovës me rastin e festës së Fitër Bajramit, ka theksuar se solidariteti ka qenë dhe mbetet një nga vlerat kryesore të popullit të Kosovës.
Ai uroi të gjithë besimtarët myslimanë për këtë festë, duke u dëshiruar shëndet dhe mirëqenie për ta dhe familjet e tyre.
Hamza vlerësoi se muaji i Ramazanit është një periudhë e reflektimit dhe solidaritetit, duke shtuar se sipas të dhënave të prezantuara nga myftiu, kjo ndjenjë po rritet gjithnjë e më shumë në shoqëri.
“Populli ynë gjithmonë ka qenë solidar dhe vazhdon të jetë. Jam i bindur se ky solidaritet është në rritje dhe është shumë mirë që njerëzit në nevojë po ndihmohen dhe përkrahen”, tha Hamza.