Kandidati i Partisë Demokratike të Kosovës për kryeministër, Bedri Hamza, ka theksuar rëndësinë e një qeverie që bashkon dhe një kryeministri që punon për qytetarët.
Ai ka thënë se është gati t’i sjellë vendit atë që beson se i mungon.
“Kosovës i ka munguar një qeveri që bashkon dhe një kryeministër që dëgjon, punon dhe i vendos qytetarët të parët. Unë jam i gatshëm t’ia sjell Kosovës atë që i mungon: t’i tejkalojmë përçarjet, t’i rrisim pagat dhe ta përmirësojmë mirëqenien. Ne nuk krijojmë kriza, por mundësi për një jetë më të mirë. Bashkë. Përpara”, ka shkruar Hamza në Facebook.