Nënsekretarja e SHBA-së për Diplomacinë Publike, Elizabeth Allen, ka thënë se gjatë takimit me presidenten e Kosovës, Vjosa Osmani, kanë diskutuar për një sërë çështjesh, e që një nga to ishte marrëveshja e mirëkuptimit ndërmjet Qeverisë së ShBA-së dhe Kosovës kundër manipulimit të informacionit nga shtetet e huaja.
Në një konferencë të përbashkët për media, Allen tha se rrugëtimi euroatlantik i Kosovës përmes Asociacionit të Komunave me Shumicë serbe ishte një nga temat e diskutuara.
“Ne e mbështesim trajektoren e Kosovës drejt institucioneve euroatlantike përmes bashkëpunimit së ngushtë… Diskutuam për hapat kryesor për rrugëtimit e Kosovës euroatlantik përmes Asociacionit dhe për investimet në rini, trajnime dhe edukim për të siguruar një të ardhme të ndritur euroatlantike… Biseduam edhe për përkushtimin tonë për ta luftuar manipulimin e dezinformimit nga shtete e huaja e cila është një problem në rritje… Ky memorandum ndihmon në formalizmin e bashkëpunimit tonë sepse ajo tregon një përkushtim nga SHBA-të dhe Kosovës për të zhvilluar një qasje të përbashkët për të kuptuar më mirë dezinformimin nga të huajt…”, tha ajo.
Allen theksoi se SHBA-të janë të përkushtuara ndaj popullit të Kosovës.
“Si gjithmonë… Jam e nderuar që jam këtu si mike dhe partnere”, tha ajo.