Komuna e Prishtinës ka njoftuar se rrugët e mbyllura në lagjen “Arbëria” në kryeqytet pasi era e rrëzoi kulmin e objektit të ri të kësaj komune para tri ditësh, janë rihapur për qarkullim.
Megjithatë, Komuna thotë se është i ndaluar rreptësisht parkimi i veturave në parkingun e këtij objekti dhe përreth tij.
Tutje në njoftim thuhet se aktualisht po punohet në riparimin e kulmit të këtij objekti.
“Të nderuar qytetarë, Rrugët “Radovan Zagoviq” dhe “Nora e Hotit” në lagjen “Arbëria” janë hapur për qarkullim, por ndalohet rreptësisht parkimi i veturave në parkingun e objektit të Kryeqytetit dhe rreth saj. Aktualisht është duke u intervenuar në kulmin e këtij objekti”, njoftoi Komuna në Facebook.
Me 18 si pasoj e një ere jo shumë e fortë ka “fluturuar” një pjesë e kulmit të ndërtesës së re të Komunës së Prishtinës në lagjen Arbëria, ku si pasoj një vajzë ka marrë lëndime të rënda trupore.
Bie çatia e ndërtesës së Komunës në Prishtinë, lëndohet një 23 – vjeçare