Policia e Kosovës ka njoftuar se pikëkalimi kufitar në Jarinjë është hapur në orën 08:30.
Këtë e ka konfirmuar për Portalin Dukagjini, zëvendësdrejtori i Policisë në veri të Mitrovicës, Veton Elshani.
“Do të hapet në ora 08:30”, ka thënë Elshani.
Mbyllja e pikëkalimit kufitar në Jarinjë është vendosur që nga data 24 shtator pas sulmeve të rënda terroriste në zonën veriore të Kosovës, ku u sulmua Policia e Kosovës në fshatin Banjskë të Zveçanit.