Kryetari i Aleancës për Ardhmërinë e Kosovës (AAK), Ramush Haradinaj, gjatë vizitës zyrtare në Shtetet e Bashkuara të Amerikës, ka kërkuar mbështetjen e Presidentit Donald Trump dhe të Kongresit Amerikan për anëtarësimin e Kosovës në NATO.
Haradinaj bëri të ditur se këtë çështje e ka adresuar në një takim të veçantë me kongresistin republikan nga Teksasi, Pete Sessions, ku theksoi rëndësinë strategjike të integrimit të Kosovës në Aleancën Veriatlantike për sigurinë dhe stabilitetin në rajon.
Sipas Haradinajt, përkrahja e SHBA-së mbetet vendimtare për avancimin e proceseve euroatlantike të Kosovës, ndërsa anëtarësimi në NATO përbën një nga prioritetet kryesore shtetërore.
“Gjatë vizitës në Kongresin Amerikan, kam kërkuar mbështetjen e Presidentit Trump dhe të Kongresit Amerikan për anëtarësimin e Kosovës në NATO. Këtë çështje e kam adresuar në një takim me kongresistin republikan nga Teksasi, Pete Sessions”, ka shkruar Haradinaj.