Ish-ministrja e Punëve të Jashtme, Meliza Haradinaj, ka thënë se kryeministri i Kosovës, Albin Kurti, duhet ta dëgjojë kërkesën e Shteteve të Bashkuara të Amerikës, për shtyrjen e afatit për zbatimin e marrëveshjes për targa për 10 muaj.
Nëse Kurti nuk i dëgjon kërkesat amerikane, sipas ish-ministres Haradinaj, ai jep sinjale se dëshiron ta dërgojë vendin në zgjedhje të reja.
“Nëse Kurti nuk e shtyn implementimin, siç kërkon Amerika, besoj që Kurti po na jep, po e fuqizon atë sinjal që është gati ta dërgojë vendin në zgjedhje dhe nuk është gati ta vazhdojë dialogun, dhe nuk është gati ta vazhdojë dinamikën”, ka thënë Haradinaj në emisionin “Five”.
Tutje, ajo ka thënë se partitë opozitare duhet ta pranojnë ftesën e Kurtit, për të diskutuar në lidhje me procesin e dialogut Kosovë-Serbi.